【香港製造】千層龍鬚糖

餡料豐富，入口柔軟嘅龍鬚糖喺香港可能年宵先會見到佢嘅蹤影，不過大家知唔知道原來龍鬚糖以前係皇帝嘅御用點心？ 相傳清朝時期，皇宮嘅御廚為咗討好皇帝歡心，都會絞盡腦汁製作一啲精緻又特別嘅點心。有一位御廚無意中喺民間發現咗龍鬚糖技藝，直到有一次正當雍正皇帝享用滿漢全席之後，嗰位御廚就現場用金黃色嘅麥芽糖，拉製成千上萬條細緻綿密嘅纖絲，再包入炒香嘅花生或者芝麻粉供皇帝作甜點享用。雍正皇帝不但好受落，仲賞賜比妃嬪和臣子。所以呢個外表貌似龍鬍鬚嘅點心就被命名為龍鬚糖，亦都有人叫佢麵線糖😍 仲有另外一個傳說就係話明朝正德皇帝遊民間嘅時候發現到呢種美食，下令帶回宮中，列為宮廷美食佳品😆 無論如何，龍鬚糖嘅製作過程的確好特別好精彩，由一條麥芽糖一路拉，一分為二，二分為四，四分為八，一路拉直到有上萬條銀絲，到最後剪斷包入餡料🤤喺台灣同內地甚至會有製作龍鬚糖嘅表演，絕對係珍貴嘅民間藝術！ ----------------------------------------------------------------------------------------------------------------------------- 成分: 麥芽糖、花生、芝麻、椰絲、糖、栗粉 賞味及存放方式: 請放置於乾燥位置，避免陽光直射 最佳食用日期: 四個月內(室溫保存/冷藏) ———————————— ✨糕點時光 Time To Gold✨ 🔵本地文化社企 承傳將近失傳糕點文化🫂 🔵以年輕手法 改變糕點固有形象🆕 🔵以金齡姨姨為主力 支持長者就業及婦女充權 🔵重視健康低糖飲食 推出養生飲料 如烏梅露、川貝雪梨等🍵 ————————————